بالفيديو ـ ليال نعمة تناجي أمّهات لبنان: متلي متلكن!

نشرت المرشحة المستقلّة عن المقعد الماروني في دائرة البترون الثالثة والمدعومة من “القوات اللبنانية” ليال نعمة، مقطع فيديو بمناسبة عيد الأم، توجّهت فيه الى كلّ أم لبنانيّة. وقالت نعمة: “اليوم بدي اتوجه لكل إم بلبنان ولإمي. بتشارك معكن نفس المخاوف والآمال”.

وأشارت الى أنني “أم متلكن، الله يحمي كل ولاد الناس ويحمي كل الامات ويرحم للي راحوا. فكري وقلبي مع الام للي خسرت ولد بالحرب، ومع الامات للي خسروا ولادن بإنفجار بيروت وعم يحرقولن قلبن مرة تانية بعرقلة مسار العدالة.

ما في أكتر من هيك قهر!”

وأضافت بلهجة تتملّكها الغصّة: “بنفس الوقت عم فكر بالام يللي ربت ولادها بدموع العين وفجأة يا فضي البيت وفلوا أو هي صارت تتمنى بلحظة انو يفلوا”، متسائلة: “في أكتر من هيك قهر؟”

وتابعت نعمة حديثها بالقول: “متلي متلكن، من حقي اني ما اترك امي ومنحقي انو ولادي ما يتركوني، وما يكونوا وقود لحروب جديدة، وتكون حياتن كريمة ببلادن”.

وأردفت بحزم: “يللي لبّسوا أمهات لبنان الأسود ويللي هجرولن وبعدن عم بيهجرولن ولادن، منقلن خافوا من الأم المحروق قلبها لانو ما بتنسى وما بتساوم ولا بتنشرى”.

وناجت نعمة أمهات لبنان قائلة: “يا امات لبنان البطلات، يللي عم تختبروا اقسى ظروف الحياة، ويللي ضحيتو كتير ومن حقكن يكون عندكن دولة تحترم امومتكن، تحترم العمر التالت لإلكن ولكل المواطنين عبر ضمان الشيخوخة وتحترم تعب وجنى عمركن يللي راح، وتحترم احلامكن وانتظاراتكن المتعلقة بولادكن”.

وشددت في المقطع المصوّر: “بطلب منكن، ما تطفوا شموع الامل،

انتو محرك العالم. انتو الرائدات بكل المجالات العلمية والمهنية والبيتية.

كونوا الصوت يللي بوصلنا وبوصل ولادنا لبناء الدولة للي منستحقها. لبنان وجو اليوم حزين، انتو وجه الفرح يللي بيعطي الامل بالخير وبالحياة الكريمة. بعايدكن كلكن وبتمنى معكن ايام أحلا”.

وختمت نعمة حديثها بشعارها الإنتخابي: “بكرا إلنا!”.

https://www.youtube.com/watch?v=QGlFkMFPKcs&ab_channel=LebaneseForcesNews