قبل 4 ايام من موعد الذكرى الثانية لتفجير 4 آب، سقطت أجزاء من الاهراء، واعادت فتح الجرح الذي لم ولن يندمل ابداً.
وبهذه المناسبة الحزينة، كتبت واعدت الزميلة الناقدة الفنية وكاتبة السيناريو جوزفين حبشي، فيديو مؤثر، فيه حزن بقدر ما فيه أمل ووعد، تقول فيه:
“كنت احلم بشهادة علقها عالحيط
وطرحة وزغاريد تملّي البيت
وبكاسة مغلي بعد 9 شهور
وطفل بقلبي يغلي
ويكبر، يكبر، لا مقهور ولا مكسور
وأهلي يكبروا، واحفادن حدن
وخاطرهن مجبور
كنت احلم
بعيلة حلوة
جدّو، تيتا، أهل، أولاد
ونبقى هون، ما نترك هالبلاد
كنت احلم اعيانا تنعاد والغلات تزداد
ولبنان الاخضر ما بعمرو يصير رماد.
كنت احلم حبيبي ما يموت
غيّر فيّي أنا، وبأجمل بيروت
بيروت اللي فيها كنت احلم عيش
انا وهو نعيش، عشاق دراويش،
سوا ببيت ما يتحوّل تابوت.
كنت احلم بذكريات جداد
ولبنان الفرح ما يصير حداد
وهيدا اليوم المشؤوم 4 آب
ريتو ما صار وريتو ما بينعاد
كنت احلم ورح ضل احلم
بملامح بلاد، ترجع تشبهنا،
نحنا اطيب ناس،
واللي قطع علينا،
ما بقى بحياتو ينعاد،
إذا نحنا ردنا
وإذا الله راد…
حلم العدالة لضحايا تفجير مرفأ بيروت، وعد ما رح نقبل يبقى حلم”.
https://www.youtube.com/watch?v=WoQU-1gqQDQ&ab_channel=LebaneseForcesNews