كتبت جوزفين حبشي في “المسيرة” – العدد 1743
ـ يا بو توفيق حاج تنفّخ، يعني إذا نفخت منفوت عند الحكيم؟ مش شايف قديش في ناس قبلنا؟
ـ موعدنا من ساعتين، ليش كل مرة بدنا نجي بالصيف، ونفل بالشتي؟ بجي تا إتحكم من الضغط، بيطلع ضغطي من النطّرة.
ـ روق يا رجوتي روق، الناس كلها ممروضة بهالبلد. خود هالمجلة اتسلى فيها.
ـ شو هالمجلة؟ اعطيني غيرا. اللي معو شهادة عالية، من السرتيفيكا وطلوع، ما ممكن يفهم شو مكتوب فيها.
ـ هيدي عيادة داكتور محترم، مستوى، شو بدّك يحطلك مجلات طق حنك؟ برستيجو ما بيسمح.
ـ ليش هول المجلات للحكيم، ولّا إلنا نحنا المساكين والمعترين والمحترق دين سلافنا نحنا وناطرين دورنا لنفوت نشوف أيّا مصيبة جديدة صابتنا؟ لازم ينسى برستيجو شوي، ويحطلنا نحنا الشعب المصفرن، مجلات صحافة صفرا بتفرفحلنا قلبنا وبتسلّينا. مجلات فيها لألأة وقال وقيل وحكي قفا ميريام كلينك، وصرماية وئام وهاب، ولبطة غادة عون، وصهيونية صهيونية نانسي عجرم، وديما صادق كيف طفشت، والطاير برج من نافوخو كيف ناوي يفقّع إليسا، وحسن نصرالله كيف حاطط بقلبو وبحطاط تامر حسني لأنو حشد بحفلتو بلبنان، أكتر ألف مرة من اللي بيحشدن السيّد لما يغنيلنا موالو. أخبار من هالنوع يعني، حتى ما نحس بالنطرة الطويلة والتوتر، لأنو “بسلامة فهمك” يا إم توفيق، ما في غير اللألأة والصحافة الصفرا بيسَلّوا وما بيسِلّوا.
ـ سكوووت، أحسن ما إنسفك كف متل كف سيمون أبو فاضل لوئام وهاب، يعني من قفا إيدي. قفا ميريام كلينك عبالك تشوف بالمجلات قلتلي؟؟؟
للإشتراك في “المسيرة” Online:
http://www.almassira.com/subscription/signup/index
from Australia: 0415311113 or: [email protected]