.jpg)
كتب عضو تكتّل “الجمهورية القويّة” النائب جورج عقيص، عبر منصّة “X”:
يعني اذا كنت مش موافق على ممارسات غادة عون بالقضاء، فحكماً لازم كون مع المصارف؟
شو هالتسطيح العقلي الفظيع؟
أضاف عقيص: “اساساً خبرونا عن انجازات غادة من بدء الأزمة لليوم؟ خمس سنين شو عملت بالملفات؟ (هلق بقولولي ما خلّوها: الجواب جاهز)
خبرونا شو عملت بملف القرض الحسن مثلاً؟ (مين ما خلّاها؟)”.
تابع عقيص: “انا ضد المصارف مجتمعةً ككيان ساهم مع الدولة بخراب بيوت الناس، ومع حجز كل اموال اصحاب البنوك واعضاء مجالس ادارتها، ومع منعهم جميعا من السفر، توصلا لجلاء كل الحقائق وتحميل كل مسؤول تبعات اعماله.
علناً عم قولها.
قال عقيص: “بس اكيد انا ضد القاضي الاستعراضي المسيّس، اللي بيطلع بيتناظر مثلا على التلفزيون مع نائب وتاني يوم بيدّعي عليه كمدعي وكنائب عام بأغرب ادعاء بتاريخ القضاء (ما نسينا).
وبعتقد انو ازاحة غادة عون رح تطلق عملية المحاسبة بدءاً من رياض سلامة وصولا لأصغر متواطئ بملف سرقة الودائع”.
كلّي امل انو الملف انوضع أخيراً بمسارو الصحيح، والا رح نكون عملنا من غادة عون ضحية وهيي اكيد مش هيك.
القضاء اليوم امام الامتحان.