بو عاصي – كم بيت اهداء للعربانية: حراسك الما بينعسوا دعستن بتهدّ لمّن يدعسوا

كتب عضو تكتل الجمهورية القوية النائب بيار بو عاصي عبر “فيسبوك”:
كم بيت اهداء للعربانية الحبيبة

عربانية ١٢ اب ٢٠٢٤

يا ورد العربانية عطرك بيفوح

سهامك حب وحنية عالقلب تروح

يا عربانية خطيّة قلبي مجروح

إن شكت شوكاتك فيي بترد الروح

عربانية. حراسك الما بينعسوا

دعستن بتهدّ لمّن يدعسوا

ما بينعسوا الحراس، ان دقّوا جراس

عصرختهن كل الاعادي بيخرسوا

ما بينعسوا الحراس، ان دقوا جراس

كل الأفاعي بإجرك بتنداس

يا امنا لو طل شي يوضاس

مرة جديدة بيشنقوا وبيرقصوا

يا إم الله ضيعتك نيالها

بإيمان طاهر سلمتلك حالها

لا تبخلي علينا بنظرة مقدسة

العبادية هون، دغري قبالها

رجالك الأبطال شو خوتان

وقفوا لوحدن قاوموا الطغيان

ما بينعسو الحراس بس بيخوتو

لو عين شر استهدفت لبنان

عربانية، يا مذبح ومتراس

بخمر الفدى مليان أقدس كاس

منركع ببيت الرب بالقدّاس

منموت عالمتراس ما منركع