أثارت مداخلة شيرين مع عمرو أديب خلال برنامجه “الحكاية”، حالة من الجدل الواسعة خلال الساعات الأخيرة الماضية، والتي تحدثت خلالها عن كواليس خلافها مع شركة روتانا. قالت الفنانة شيرين عبد الوهاب: “هناك مؤامرة معمولة عليا علشان أقعد فى البيت، وأنا مكنتش بتكلم وكنت قاعدة زى ست خيبتها والآن صوتي مش هيتقطع وهفضل أغني وراكبة القطر بتاعي ومحدش هيعرف يوقفه، خلاص أنا سكت كتير”.
أضافت الفنانة شيرين عبد الوهاب: “أنا بناشد القضاء المصري زي ما اتحكم لروتانا بالغلط انهم ياخدوا مني 8 مليون بالسرعة دي، أنا كمان القضايا اللي رفعاها يتحكم ليا بسرعة لأني ليا حق”.
تابعت: “أنا ماضية دلوقتي مع شركة ربنا، أنا اللي واقف معايا ومنجحني ربنا، أنا مش محتاجة شركات، أنا مش هابقى حصري لحد تاني، أنا كبرت على كدة، أنا لا أحتاج شركات، ومبسوطة كدة، والكل يلزم حده ومحدش يجيب سيرتي أنا فنانة كبيرة”
وجهت الشكر إلى جمهورها ومحبيها على دعمهم لها، خاصة أنهم السبب في نجاحها.
أكملت شيرين: “أنا فنانة كبيرة أوي أوي وجمهوري كبير، وأنا سجن النسا واحشني جدا ومستعدة أتسجن عادي جداً وأنا مش فارقة معايا حاجة، وخليني يا أستاذ عمرو أقفل قبل ما اقول مصايب اكبر من كدة”.
رد عليها الإعلامي عمرو أديب: “إنتِ ناقصة يابنتي، إنتِ بتدوري على المشاكل، وسجن إيه يا شيرين ليه ده كله، ده إنتِ ممكن تبقي ملكة زمانك وتعملي فلوس قد الدنيا وتتجوزي وتخلفي وتكوني سعيدة”.
من جانبها، تابعت الفنانة شيرين عبد الوهاب: “قولهم هم يا أستاذ عمرو، وأنا هبقي كوين فى السجن”.