.jpg)
ضيفي في “قهوتك كيف” هذا الأسبوع النائب ملحم الرياشي.
*ملحم الرياشي قهوتك كيف؟
وسط يعني مع رغوة وشوية سكّر، وكتير كافيين واكتر من 6 فناجين يومياً.
*5 أسئلة سريعة
-الإيمان أو الالتزام الكنسي؟
مؤمن وخاطئ وملتزم كنسياً
-إخفاء المشاعر أو التعبير عنها؟
اخفاؤها في معظم الأوقات
– الهدوء أو صخب الحياة؟
الهدوء وبعض الصخب
– الانفتاح أو التمسك بالمبادئ؟
الانفتاح والتمسك بالمبادئ الكبرى
– الإعلام أو السياسة؟
المسرح
*معروف عن ملحم الرياشي أنه مؤمن جداً. بس قلال يلي بيعرفوا إنك كنت تحب تكون كاهن. شو يلي خلاك تتراجع؟ وشو سر إيمانك الفائق؟
اسباب عائلية لا أكثر، وسرّ الايمان يبدأ من انتظام الكون وجسم الإنسان والطبيعة والمخلوقات وصولاً إلى حوار يومي مع العالم الآخر.
*ملك بتدوير الزوايا، هدوء فائق، عقل مفكر، وعصبية ما إلها مثيل بأوقات معينة. شو الأمور يلي بتخلي ملحم الرياشي يحط الهدوء يلي بميز شخصيتو ع جنب ويفرجي وجو التاني؟
حين يصبح الغضب مقدساً امام الاساءة والإصرار عليها وعلى الظلم.
*ملحم الرياشي متزوج من السيدة صولانج الخوري، وثمرة زواجكم ماريا. بـ3 كلمات صف علاقتك بزوجتك وبـ3 كلمات علاقتك بماريا.
صولانج هي القلب وبتشيل عني أحمال الحياة بهدوء وذكاء وحب.
ماريا هي توأم قلبي، ولا اعرف كيف أتعاطى معها بعد، يمكن عم دللها زيادة.
*صولانج زوجتك عندها طفل من زواج سابق. وحضرتك قلت بإحدى المرات “لو صولانج قبل زواجنا كان عندها ماريا ومش كريس ما كنا صرنا سوا”. ليش؟
هيدي لانو كريس كتير عاقل مش لانو ما بدي ماريا، وبحبو متلا.
*أكبر جرح بحياة ملحم الرياشي
هيدي بدّا حكي مع الله مش بالاعلام.