.jpg)
كتب عضو تكتّل “الجمهورية القوية” النائب رازي الحاج عبر “X”:
ما وصلنا لهون بالصدفة!
ما وصل فخامة الرئيس جوزف عون بالصدفة!
وصلنا لان في مين قال: لأ !
في مين رفض رفض قاطع منطق الدويلة بوج الدولة،
في مين رفض يهادن السلاح لما كان بعزّ قوته،
في مين رفض يكون جزء من ادارة الحكم العميقة والفاسدة،
في مين رفض مغريات السلطة وعروض التسويات على مدى سنين!
في: الدكتور سمير جعجع، وحزب القوات اللبنانية وتكتل الجمهورية القوية والجيش اللبناني وباقي مكونات المعارضة،
لو قلنا معليش وبسيطة وما فينا وما خلونا ومش طالع بإيدنا شي، كان للبنان اليوم رئيس من محور الممانعة ودولة سقطت كلياً بإيد هالمحور
بعدها كان انضرب لبنان كله بالحرب دون تفرقة بين الدولة و”الحزب”… كان لبنان اليوم على شفير الموت …
لأ تبع مبارح … تجلت نعم اليوم …
نعم لقيام الدولة الفعلية … نعم قالها فخامة الرئيس بخطاب القسم.
“نعم” اليوم هي “لا” عمرها سنين بوجه كل الاحتلالات والمغريات …
“نعم” اليوم اندفع حقها شهداء ودم وعرق ودموع واعتقال وتنكيل واضطهاد واغتيالات ومعارضة ومواجهة يلي ما رح تنتهي قبل ما نشوف لبنان متل ما بدنا … حر ومستقل ومزدهر…
شكراً حكيم وبالتوفيق فخامة الرئيس!