يا نسر عالي أعلى من السما
بالإذن من السما هيدا منو كبريا
يا هالأبد اللي ما بينتهي حبو للبنان
وين بدك تعلّي بعد وبأيا فضا
مين انت ومن وين جيت
يا أشرف الناس
بزمن العهر والبغا
قالو مات البطل
قالو نسرهم غاب
ونسيو انو تاريخنا
رجال ما بترضى لتاريخها غير العلى
كانو تجار بشر فاسقين
انهون شرفا مدعيين
رضعو حليب الخيانة والتخاذل
وما كان بينون رجال مقتدرين
هني اسياد الجريمي والتحايل
رقصوا ع اشلاء جسمك مبتسمين
يا نجم عم يلمع بالظلام
يا لهب عم يرقص ع قمم المشاعل
يوم استشهادك ما كانو داريين
انو من بعدك ومتلك
رح ينبت آلاف السنابل
مش صحيح انو الموت هوي صاحبك الوحيد
رمزي يا بطل حيّ
يا مجد ما بينحني
خود التاريخ
وكتوب فيه آيات مجد جديد
آيات بطولي وولاء
ورشّ علينا منو شوية روح
يا صانع المجد المجيد
مني إلك تحية وفاء
يا أجمل وردة فينا
يا أجمل غصن زيتون
يا رمزي يا خيي البعيد
كنت البطولي والكرامي
وللبنان انت الشهامي
لأجلو قدّمت اغلى ما عندك
قدمت حالك يا هالأنسان
لأجلو قدمت احلى شهادي
وقبل الرحيل
علمتنا كيف بتنبنا الأوطان
وخليتنا نفتّش عالسيادي
واللي كان حلم صار حقيقة
ولبنان الحبيتو للعبادي
من دمك الغالي كتبتلو قصيدي
قصيدة عز وعنفوان
قصيدة مجد وبسالي
رمزي يا حلم انسرق
يا نور من سما بعيدي شرق
مع ام لولادها وفيي
عروس متل عريسها للأبد أبيّي
ورفاق دايماً معك
لا تخاف ع ارزاتك الي كانو صغار
واللي غيابك قلبون حرق
كبرو ع محبتك وإيمانك
صارو بإسمك كبار
صارو متلك للوفى عنوان
ومع كل طلعة ضو
بيقولو
بيي بطل من لبنان
بيي ع أرض القداسة مرق