النائب جعجع لباسيل: ‎بشري طول عمرها واقفة على إجرتين ورح تبقى

شكرت النائب المنتخبة ستريدا جعجع أهالي قضاء بشري مقيمين ومغتربين، وقالت، “‎14315 ‎شكر لأهلي في قضاء بشري مقيمين ومغتربين على الجهود الجبارة يلي قاموا فيها بـ15 أيار‎”.

وتابعت، “بهذه المناسبة بدي وجّه 39844 شكر لكل أهلنا في دائرة الشمال الثالثة مقيمين ومغتربين يلي صوّتوا للائحة “نبض الجمهوريّة القويّة”.

وتوجهت إلى رئيس التيار الوطني الحر النائب المنتخب جبران باسيل بالقول، “أما لباسيل يلي ترأس لائحة “رح نبقى هون” يلي أخدت 17077 صوت ويلي قال عنا إنو صرنا واقفين على إجر وحدة ببشري، بحب قلو إنو بشري طول عمرها واقفة على إجرتين ورح تبقى… يلي استحوا ماتوا”.

وأضافت، “من الأول على لائحة قائمة ترتيب المرشحين بحسب النسب المؤية في دائرة الشمال الثالثة بالعام 2018 للمركز الخامس بالعام 2022 من بعد 4 مرشحين لحزب “القوّات اللبنانيّة”: ستريدا طوق جعجع 38.837%، فادي كرم 34.314%، غياث يزبك 33.098%، جوزيف اسحق 31.324% لجبران باسيل 26.618%…، ومن 33342 صوت للايحتو بالعام 2018 لـ17077 صوت بالعام 2022…، وبالمباشر لإلو من 12269 صوت بالبترون عام 2018 لـ8922 في العام 2022…، خلي هلأ يوقف على إجريه”.