فجّر مشهد المغامر فيليكس بورمغانتر وهو يسقط أول من أمس عن حافة الغلاف الجوي على ارتفاع 39 ألف متر، روح النكتة لدى اللبنانيين على مواقع التواصل الاجتماعي "تويتر وفيسبوك" ومن أطرف ما كتب:
لو فيليكس لبناني كانوا اخواته أطلقوا النار ابتهاجاً
لو فيليكس لبناني كان انقطع الارسال معه
لو فيليكس لبناني كان زافين سأله «شو حسيت إنت وعم تقفز»؟ خفت ما هيك؟
لو فيليكس لبناني كان كتب عالكبسول «رضاكِ يا أمّي»
لو فيليكس لبناني كان مالك مكتبي قطع له القفزة فجأة ليقول «أحمر بالخط العريض فيليكس يقفز» بعد الفاصل
لو فيليكس لبناني كان أخذ معه دواليب حتى يولعن فوق
لو فيليكس لبناني كان فتح جناحات عسكرية باسمه
لو فيليكس لبناني كان علق بعجقة سير بالنزلة
لو فيليكس لبناني كانوا رفقاته فقعولوا البالون قبل ما يطلع
لو فيليكس لبناني كانت امه حضرتله مئة علبة أكل
لو فيليكس لبناني، كان أخذ معه تلفزيون صغير حتّى ما يروّح حلقة من المسلسل التركي المفضل عنده
لو فيليكس لبناني كان انتحر
لو فيليكس لبناني كان نزِل على أنغام «تيرشرش»
لو فيليكس لبناني كان مبيض أسنانه للصورة
لو فيليكس لبناني كانوا خطفوه وطالبوا بفدية
لو فيليكس لبناني كان كل ما صوروه، عمل باي للكاميرا
لو فيليكس لبناني كانت رائحة الپارفان واصلة للأرض
لو فيليكس لبناني كان فتش على بنت من المريخ يتزوجها ليأخذ الجنسية ويشوف حاله فيها قدام أصحابه
لو فيليكس لبناني كان مروان شربل حضر حاله لمؤتمر صحافي
لوفيليكس لبناني كان أخذ معه علم «ريال مدريد» أو «برشلونة»
لو فيليكس لبناني كانت انقطعت الكهربا بالمكوك ونزل كدش الأرض وراح معس
لو فيليكس لبناني كان طلع و ما نزل!
لو فيليكس لبناني كان أصرّ يقفز من دون ما يلبس الـ«كاسك»
لو فيليكس لبناني كان فيّم الشبابيك وكتب على جناح المكوك «مجروح من أغلى حبيب»
لو فيليكس لبناني كان معه شمعة احتياط
لو فيليكس لبناني كان هرب من حاجز الدرك حد كوكب زحل
لو فيليكس لبناني كان طلّع إيده لبرا ليأشر لسوبرمان لما بده يفرق عاليمين
لو فيليكس لبناني كان كتب عالكبسولة «سارحة والرب راعيها» أو «ميلي ع ميالك أبو ليكس خيالك» أو «محروسة يا عروسة» أو «عين الحسود تبلى بالعمى