قصيدة للنائب زهرا بقلم رئيس مجلس الشعراء أنيس زبيدي
أهدي قصيدتي الى النائب الحالي عن قضاء البترون والمرشح عن حزب القوات اللّبنانية للانتخابات القادمة أنطوان زهرا داعياً له بالتوفيق.
زهرة البترون
يـــــــــــــــــا مْلايكي، البترون عبّوها
بعيونـــــــــــــكن، وَحدُن بْيحموها
البترون تايبـقــــــــــــــــــى لها وهرة
عـــــــــــــــا نفس هالنواب خلّوها
عالهمّ مهمـــــــــــــــــا تطوَل السهرة
فـــــــــــــي شمس إيدينا بضوّوها
وفـــــــــــي ناس فكرن يقطفوا زهرة
مش عـــــــــــارفين بْينقطف قلبن
ومــــــــــا بْيقدروا بْحلمن يِقِطفوها
الزهرة الّـــــلي عنّا عطرها عادروبنا
نفحت عليـــــــنا عِطِر غذّا طيوبنا
زهرة بْتفلش ع الدــــــــني كلا عطور
مِـــــــــــــــن شمال بلادنا لجنوبنا
الزهرة الّــلي عنّا وجّ، تلّى البيت نور
بْتضْــوي الزوايا بْعز دين غروبنا
زهــــرة وْلولا زرعتها بْقلب الصخور
بيصيـــــر قْلبْ الصخـر متل قلوبنا
الزهرة الّـــلي عنّا بالسِلِم عطرا بفور
وسلاح راســـــــو حدّ يوم حْروبنا
مش هون زهرة انزرعت بْركن الزهور
غِصنا ضعيف وْكلّ شخص بْيقرِما.
هيدي جِسِرْ مزروع بيـــــــــن قلوبنا
يــــــــا صْحاب القلب المكسور
تـــــــــــــــا تنتخبوا الزامي
فـــــــي كرم وصرلو مْنِ دهور
عطشـــــــــــان ومنّو نامي
إســـــــــــــــمو لبنان ومقهور
مــــــا في مين عنّو يْحامي
يـــــــــــــــــــا بتجيبولو ناطور
يــــــــــــا بتجيبولو حْرامي
نحــــــــــــــــــنا لبنانيي جْنون
وبترونيـــــــــــــــــة والنا عْيون
واللّـــــــــــــــي بينتخبوا زهرة
بيكونــــــــــــوا انتخبوا البترون
رئيس مجلس الشعراء
ألشاعر أنيس زبيدي