بعدن هون
لأ… ما راحو
سامع صواتن
عالتلج دعساتن
لأ… ما رتاحو
عالصخر شايف خيالاتن
متل الصخر ما زاحو
عشلوح الارز دماتن
رواحهن بخور … فاحو
صورهم عصدور اماتن
ابطال بعدن … ما يوم ناحو
…….
بعدن هون
لأ… ما غابو
بعدا عم تشرشر جراحن
لأ… بعد ما طابو
و ما يبرد سلاحن
متل نسور اذا انصابو
ما بيلوي جناحن
راس الجبل بيحضنو ترابو
وحد الغيم يرسموا زياحن
……
بعدن هون
شفتن عم يلعبو
لأ… جبينهن ما نداس
صوب الشمس عم يسحبو
انزرعو صلبان وجراس
يحرسو الدني وما يتعبو
يحيكو من النصر قواس
تاريخ بدمن عم يكتبو
شو هم… ينعسو الناس
علين ما رح يعتبو
ما بينعسو الحراس