نشر الرفيق فرنسوا معراوي عبر صفحته على Facebook صورة أرفقها بقصة وقعت مجرياتها خلال الحرب اللبنانية:
من اخبارهم الحلوه
هونيك يوم انصابت الملاّله يلي كنت فيها
انصابو الكلّ ومن بينهم بو خليل
انا فكّرتو استشهد
طلعت انا ويوسف تا نظبّط الخطوط و ننقّي مواقع
كل شوي قول ليوسف:
“ضيعانك يا بو خليل”
يوسف ل كان منصاب قبل وحاطط شبكة حديد بتمّو يقلّي:
“خصّنا بقا. ما لاح غيرو؟؟؟”
وبعد كم ساعة طلّ جيب ول سايقو لافف راسو لفّه
من بعيد بتبيّن متل عمامه بيضا
شافو يوسف قبلي وصرخ بصوت عالي:
“فلانسوا قنّص بو خليل”
انا فرحت كتير
ووقت شفت بو خليل قلتلو شو جايي تعمل هون لازم تروح ترتاح
جاوبني:
“جايي آخد بتاري”
ما في احلى من اخبارهم
وتحيّه للكلّ
