نوفل ضو عن يوم في وزارة الدفاع و”سيدة النجاة”

كتب الصحافي الزميل نوفل ضو على صفحته عبر موقع “فايسبوك”:

“الليلة سمعت “إنسان” (بالشكل) عم يجرب يبرر حالو ويستعيد إيام ما كان قادر يوصل فيها لمحل ما وصل من سلطة أمنية إلا بالتسلط والقهر والظلم والزعرنات … هيدا الإنسان (؟؟؟) صال وجال وحكم وتحكم … بس اليوم صار منبوذ على هامش المجتمع ما حدا بيلكشو… لهالسبب عم يجرب يرجع حالو على الضو من خلال إصرارو على الظهور بين وقت وتاني على الشاشات … والليلة تا يبرىء حالو، جدد اتهام “القوات اللبنانية” بتفجير كنيسة سيدة النجاة بذوق مكايل قبل 22 سنة …”.

أضاف ضو: “لهالشخص البلا ضمير … والبلا وجدان … والبلا شرف … بقلو: عالقليلة أنا ما رح إنسى إنك خبرتني شخصيا إنك كذاب … ما بنسى صوتك ولو كنت مطمشلي عيوني… ولا بنسى انك كنت عم تبرم حواليي وتهدد وتصرخ وتحكي كلام بذيء متل وجك … يومها عرفتك مش بس من صوتك بس كمان من طولك لأنو راسك ما بيوصل لكتفي … يومها جبتني على “التحقيق” بسجن وزارة الدفاع بتهمة الدفاع عن “القوات اللبنانية” بمقالاتي ومحاولة تضليل التحقيق بكتاباتي وقلتلي إنو أكبر صحافي بيخلص على إيديك متل سليم اللوزي ورياض طه… يومها يا كذاب قلتلي: “إنتو متل الحيات ما بتنحطوا بالعب … صحيح إنو مش قادرين نثبت بالقانون على سمير جعجع و”القوات” إنو هني مفجرين كنيسة سيدة النجاة … بس بالسياسة قادرين نثبت عليهن التهمة وأكتر…”.

وختم ضو: “روح موت بغيظك … بس اعراف انو 11 سنة ظلم رح تقضي بدالن 11 الف سنة عذاب بنار جنهم يا مخلوق بشكل إنسان …”.