تشهد الـLBC للمرة الثانية استقالة على الهواء مباشرة لخلفيات تتعلّق بفقدان أصول المهنة والموضوعية، فبعد الاعلامية الدكتورة مي الشدياق ها هي الاعلامية شدا عمر تفاجئ المشاهدين في نهاية حلقة برنامج "نهاركم سعيد" ليوم السبت 13/02/2010 والتي كان ضيفها النائب عقاب صقر بتقديم استقالتها من محطة الـ"LBC" لأسباب متعددة عزتها عمر إلى "فقدان الموضوعية وأصول المهنة وأخلاقياتها".
وقالت عمر: "في شباط عام 1997 بدأ مشواري معكم عبر شاشة الـ "LBC" وفي شباط 2010 أنتهى مشواري معكم عبر هذه الشاشة لأسباب متعددة أبرزها "الموضوعية وأصول المهنة وأخلاقياتها" وأتمنى أن أراكم إنشاء الله قريباً في غير مكان، 13 سنة تشاركنا فيها الفرح والحرب، والخوف والنجاح، الحدث يبقى الحدث و"انشالله نهاركم سعيد يبقى دايما سعيد ونشوف وجكم بخير وإلى اللقاء".
وسألها صقر: "هذه استقالة"؟.
تجيب شدا: "توديعة… توديعة موقتة".
صقر: "أتأسف ان تكون بوجودي واتمنى أن لا تكون نهائية".
شدا: "لا بالعكس بتشرّف انو تكون بوجودك".
صقر: "آسف، أنا أتمنى من إدارة الـLBC أن تعالج هذه القصة؟ أنا لا أحب أن أرى هذا الوضع للـLBC ولا لكِ".
شدا: "لا، لا، ما في معالجة أبداً، ما في ضغينة وما في معالجة. في صفحة جديدة رح تنفتح بحياتي المهنية".
صقر: "انشالله تفتح صفحة بس بتمنى للـLBC أن تعيد النظر بكل شيء وأتوجه للشيخ بيار الضاهر عن جد لأنو عم بسمع أو شفت من قبل مي وشفتك بتمنى إنو يعالج الأمر لأنو عن جد أنا بحالة صدمة للي عم بصير بالـLBC، وهلق هيدي القصة. فبتمنى وبقول للشيخ بيار الضاهر يلي بحترمو وبجلّو إنو عن جد انا ما كنت عم بحكي عن الـLBC وبحب الـLBC وبعتبرا "التلفزيون اللبناني" وبعتبر إنو الـLBC بتشكل جزء من ذاكرتنا ومن وعينا وحرام".
تقاطعه شدا: "نحنا نفس الشي منعتبر هيك ونحنا ما إلنا حق أساساً نحكي عن الـLBC بالنهاية هيدي صفحة جديدة بفتحا بحياتي المهنية وبتمنى التوفيق للـLBC ولكل الزملا فيا".
صقر: "بدنا ياها تضل صفحة مشرقة، خليني قولا عالهوا، لاء حرام، حرام اللي عم بيصير، وأنا متأسف".
لمشاهدة الفيديو: اضغط هنا