ليش من القلب؟ لأنو عم بتوجّه لكل العونيّي، وعم خصّ برسالتي أحبابي أصحابي اللي عندن هالتوجّه…
وعم بتوجهلن من منطلق كوني"مسيحيّة ملتزمة" قبل ما كون "قوّات لبنانية"…
يسوع دعانا للإنفتاح على الآخر وللمحبّة… بس يسوع ما قبل يساوم على بيت الله، وطرد الباعة من الهيكل وقلب طاولات الصيارفة…
حلو الإنفتاح… بس مش هلقد…
ما عم بقدر إفهم ،كيف أيّ مسيحي بيقبل بهالتشابيه الدارجة هلأ عند الزعما "المسيحييّ" العونيّي:
– عون بيشوف إنو الحسين متل يسوع المسيح! مع العلم إنو يسوع هوّي إبن الله والمخلّص، ومار بطرس ما قبل ينصلب متل يسوع كيف بالأحرى….
– نقولا بيشوف "تضحيات" مغنيّة شبيهة بصيام المسيحيّين! وقت اللي صيامنا هوّي ذكرى لصوم يسوع ببستان الزيتون…
– باسيل بيشوف إنو مار مارون بذاتو ما في يعمل الي بيعملو عون…!!!
اللايحة طويلة بتشمل المسابح اللي عليها صورة نصرالله حد مار شربل والعدرا،الكليب، التهجّم على البطرك…
ما تحبّو القوات ولا الكتائب وماتصيرو 14 آذار…
بس عملو معروف،عملو معروف، ما تساومو على كلمة الله، وما تقبلو بالتجديف على الروح القدس اللي أخدناه بالمعمودية، وحبّو كل العالم (عون ونصرالله والأسد ونجاد…)
أصلا نحنا ما منكره حدا، بس كمان مش مستعدين نساوم بكلمة الله، تا يرضى عنّا فلان وعلتان،وبإسم "هالإنفتاح" نبيع مقدّساتنا….
صرخة من القلب لأحبائي العونيي…
… كونو مسيحييّ قبل ما تكونو عونييّ.
مسيحيّة ملتزمة