“حدا يفتح هالبلوّعة بليز …لبنان يغرق”

“حدا يفتح هالبلوّعة بليز لبنان يغرق” بهذه العبارة وغيرها عبّر اللبنانيون بطريقتهم الساخرة عن النهار الذي عاشوه بين برك المياه وزحمة السير الخانقة التي أبقتهم ساعات في سياراتهم بسبب تردي البنى التحتية وعدم قيام الدولة والجهات المعنية بتنظيف البنى التحتية والمجاري.

وإن كانت الدولة المعنية باللبناني و”الحد الأدنى” من حاجاته غائبة عن السمع، فليس أمام هذا اللبناني سوى التعبير ولو بالمزاح والسخرية من طريق وسائل التواصل الاجتماعي “twitter” و “Facebook”، وهذه بعض ما تناقلته وسائل التواصل الاجتماعي من تعليقات وصور:

* الدولة تنصح جميع المواطنبن بالبقاء بمنازلهم لانها مشغولة بأمور مهمة: التأكيد على عروبة لبنان ووجهه المقاوم و تحرير القدس و الممانعة وووووو

* بسبب اﻻمطار طريق المطار مقطوع كليا. هالمره من الله مش من حزبو

ana bel beittt la kell lma2tou3in bi siyaratounnnnn ha eloun nananananaaaaa naaaaa :P:P:P:P to2oooooo w moutooooo ana bel beit

* مفروض يزيدو على الدستور: (..) تصبح حكومة تصريف أعمال ومجارير كرمال الله خصوصاً بالشتاء

* لبنان يغرق وزير الاشغال العامه من صلاحيته النفق لان طريق عام ما خص بلديه الشويفات وين المليارات يا وزير أم اعتزلت الغرام ودايرها تعبايه

* يمنع مرور الحيتان فوق الجسر

* نحن نغرق بالهبل لأنو بعدنا مفكرين انو عايشين ببلد

* وزارة الأشغال >> وزارة الإهمال

* عم بيقولو: لبنان يغرق ع اساس هي وقفت عالشتي!

* أحد الواصلين إلى مطار بيروت يسأل وين الغميق ووين الفايش…!!!!!!!!

* سمك بحري الكيلو 10,000 ليرة سمك نهري الكيلو 12,000 ليرة سمك طريق المطار 50,000 ليرة ( غالي لأنو بس بيجي بالشتوية ) صياد السمك

* ‏لبنان يغرق‬ من 9 اشهر من وقت استقالة الحكومة وتكليف الرئيس تمام سلام تشكيلة حكومة جديدة.. هلق تذكرتو انو عم يغرق بس صار في شويت ماي بالطريق؟

– Being trapped for 3 hours in the traffic … And still waiting just 5 km away from home !

* هلأ الكل بيفكّر إنو هيدا شتي ، بس الحقيقة إنو هيدا الله عم يبزق عليكن

* شكرا قطر… قصدي شكرا.. مطر بس كتير هلقد

* ما في احلى من لبنان. الدولة بتعرف تجمعنا عالمصائب

* كيف ضهرت من السيارة؟ مواطن x: فتحت الباب وضهرت.. سبحنا سبحنا.. لوصلنا عالشط

* كيف بدو بزبط لبنان اذا جسرنا واطي ونهرنا كلب ووزراءنا ….

* … من بكرا لازم نبيع السيارات ونشتري قـوارب .. بعدها الشتويّة بـأوّلها .. لشو بدنا السيارة ؟!.. إيه شو VENISE أحلى منّا ؟!.. عـم يعملوا سياحة ويحطّوا دم قلبهم ليروحوا على “فينيس” قال بسبب الرومنسية والتنقل بالقارب و الجو الحالم ..

* فوق مصايب ال 18 طايفة بلبنان كان بعد ناقص الشوارع كمان تكون …طايفة !!

* تصريف المياه من ضمن تصريف الاعمال؟

* عاجل: بمناسبة موسم الاعياد زوروا مغارة جعيتا بفرعها الجديد بنفق المطار و ما تنسوا تصوتوا للدوله اللبنانية لتكون ضمن عجايب الدنيا السبعة. ارسلوا كلمة “تفو” او “تفي” على اي رقم